ا
الأطفـــــال ومــا أدراك مـا الأطفـــال 1/
تقول وحدة من الأمهات : كنت معزومة على حفل عشاء .. أخذت بنتي الصغيرة معي ، فـ لما
جلسنا حول البوفيه ظنت أنه مطعم ....!!
وقالت بصوت عالي : هذا الأكل بفلوس وإلا بلاش ؟؟!! ضحكوا عليها كل الحاضرات ..
---------------------------------
2/ والثانية تقول .. جانا ضيوف وجابوا معهم هديه للمولود الجديد فكان ولدي يبي يفتحها فقلت له : اصبر لما يروحون !!
صار يدخل ويطلع ..!! ولما مل الولد من الانتظار دخل وقال بصوت مسموع : خلاص أبفتحها شكلهم بينامون عندنا !!!!
---------------------------------
3 / وقالت وحده بعد : طلعنا في زيارة لعمات زوجي ، وحده منهم كبيرة في السن قلت لولدي : حب رأسها !! فـ رفض .... ؟!! وقال : ريحة راسها شينة !!!
- يقصد الحنّـاء .. شوفوا الإحراج اللي صار لي ....!!!
---------------------------------
4/ تقـول وحدة : جتني وحدة من صديقاتي وكانت ملامحها تشبه دول شرق أسيا فجلست بنتي تطالعها بقوه، و لما قلت لها : عيب !! ردت وقالت : شكلها شغالة !!
---------------------------------
5/ هذي من جد يبغى لها بالشنطة على راسها .. أخذت من أختي شنطة ورحنا لحفله ومعنا بنت أختي ولما وصلنا وخلعت عبايتي .. شافت بنت أختي الشنطة وقامت تسحبها بقوة وهي تقول : حقت ماما هاتيها !!! وأنا أحاول أسكتها... !!!
---------------------------------
6/ ووحده بعد تقول : زوجي كان عنده ضيوف على العشاء وحطيت العشاء كله لهم وكان ولدي يبي يتعشى قلت له : إذا خلصوا الرجال بنتعشى ...!! رحت أصلح لهم الشاهي .... راح ولدي دخل على الضيوف وقال لهم : لا تخلصون العشاء لأنه بنتعشى أنا وأمي بعدكم !!!
- شوفوا وجه أبوه وقتها .
--------------------------------
7/ برضو وحده تقول : بنتها دايم تحرجها بنقل الكلام قدام الناس (– هذا عيب اللي يحش بالناس – )
تقول : مرة كنت أكلم صديقتي بالتيلفون وكنت أقول لها عن وحدة من جاراتي وإني ما أطيقها دمها ثقيل وإذا جت تجلس عندي بالساعات في بيتي وتحب الكلام الكثير .. ومرة من المرات دق الباب وطلعت جارتي قلت لها : تفضلي . وجتها بنتي الصغيرة وقالت بصوت عالي : يمه هذي جارتنا اللي دمها ثقيل واللي إنتي ما تحبينها !!! طيب ليش تدخلينها البيت .....؟؟!! تقول الأم : صار وجهي 100 لون..!!! ويوم سمعت جارتي هذا الكلام زعلت وطلعت من البيت..!!!
------------------------------
8/ إحدى الأمهات اعتادت انها تشوف ولدها الصغير يطارد الدجاجات ويدخلها لـ محّلها ويحرص على إبقاء الديك بـرّاا , ولما سألته عن السبب قال : ذولا حريم ما يطـلعـن من البيت ويشوفن الرجال....!!
------------------------------
9/ أيضاً في المدرسة .....طفلة في الروضة كانت تعبث بأنفها أثناء الحصة ... فانتقدتها المعلمة وقالت لها : استعملي المنديل عيب تسوين كذا ..!! فأجابت الطفلة : لا مو عيب !! بابا يسوي كذا !!!!
------------------------------
10/ وأختم بهذي النكتة : والد و ابنه راكبين الباص , وصورة الرئيس فلان معلقه في المقدمة
الولد وهو يأشر على الصورة : بابا بابا مو هذا اللي قلت عنه حمار !!!!!
الأب : لمين هالولد يا إخوان ؟؟؟!!!!!!!!
الرئيسية 
أحدث الصور 
التسجيل 
دخول 
الأحد يونيو 07, 2009 9:21 am