امممممممممممممممم لاتفوتكم الكعكه

المقادير ::


1) كوب طحين
2) 3\4 كوب سكر
3) نص كوب زيت
4) 1 1\2 ملعقة بيكنج بودر
5) 2 ملعقة صغيرة روح الفانيلا
6) 4 بيضات

مقادير الصوص والتزيين::


الصوص::
1) كوب فراولة مجففة... أو كيوي أو أناناس أو أي فاكهة تحبونها تكون مجففة
2) 4 ملعقة سكر
3) 2 ملعقة من عصير الليمون
4) نص علبة قشطة

التزيين::
1) نص علبة نوتيلا صغيرة
2) نص علبة قشطة
3) فستق ناعم أو مبشور جوز الهند


طريقة التحضير::

1) أول شي بنسوي الصوص.. قطعو الفراولة المجففة لقطع صغيرة وحطوها على النار مع كوب ماي..وحطو معاها السكر وعصير الليمون..وخلوها تغلي مع التقليب من فترة للثانية.. شرات هاي الصورة



2) في هذي الفترة بنحضر خلطة الكيك..هاتو مله وحطو فيها الزيت والسكر والبيض...


نخفق الخليط ألين مايصير متجانس على سرعة عالية...ونبدا نضيف الطحين مع البيكنج باودر بالتدريج.
ونتم نخفقها لمدة خمس دقايق..عشان ندخل فيها أكبر كمية من الهوا..

3) ألحين نشغل الفرن على درجة 180 فهرنهايت ونجهز القوالب الي بنصب فيهن الكيك وهذا شي راجعلكم..


أنا استخدمت الصينية وقوالب الكوب كيك..
لكن اذا استخدمتو الصينية لا تنسون تدهنونها بشوية زيت وترشونها بالطحين..




4) نرد مرة ثانية للصوص...بتلاحظون ان الماي نشف أو قل للثلث..حاولو بالخاشوقة انكم تهرسون قطع الفراولة..
إذا نهرست بسهولة هذا معناته انها جاهزة وفهاللحظة نضيف عليها نص علبة القشطة..ونحركها حتى تتجانس وتصير جذي..

ونرفعه من على النار ونحطه على جنب..

5) ألحين نبدا نصب خليط الكيك داخل القوالب والصينية..بس لا تمزرون القالب لأن الكيكة بتنتفخ ..يعني معلقتين يكفون..على حسب القالب..المهم إن الخليط يكون حده النهائي نص القالب مايزيد عن جيه..
ونحط فوق الخليط معلقة صغيرة من الصوص..وبتلاحظون انه جمد شوي وصار مثل المربى..


6) ندخل الصينية أو القوالب داخل الفرن..وماتحتاج فترة طويلة..من 20 الى 25 دقيقة بالكثير..وبس يصير لونها ذهبي بتكون جاهزة..مثل الصورة...

وعشان تتأكدون دخلو فيها عود من الخشب..لازم يطلع نظيف..

7) ألحين نحط نص علبة القشطة الباقية مع نص علبة من النوتيلا على النار ..وأول ما تسيح الشوكلاته وتتجانس مع القشطة نرفعها..ويستحن انكم تستخدمونها وهي دافية لأنها اذا بردت بتجمد..
ندهن فيها ويه الكوب كيك ..أو نسكبها على القوالب اللي فالصينية بعد ما نطلعناها من الصينية ونقلبها على ظهرها..
وآخر شي نرش عليها شوية من الفستق أو جوز الهند المبشور..



وصحة وعافية..

عن نفسي قدمتها بالثلاث طرق الكوب كيك المدهون بالشوكلت والكوب كيك السادة والقوالب المربعة المسكوب عليها شوكلت..
وكل الي كلو منها عيبتهم القوالب المربعة أكثر...ما أعرف شو السر..مع اني أشوفهن كلهن بنفس الطعم..
يمكن ينطبق عليهم المثل الي يقول ((العين تاكل قبل الفم مادري المعدة))..

واااااااااااااااو شكلها خطيييييره
ما شالله عليك يا ذوومي شكلك طباخه ماهرة لأن وصفتك فيها خبرة ( نخفق كثير عشان يدخل الهواء )

يعطيك العافية

الله يعافيك أخت نانا
وتعرفين انا من النوع اللي مااحب اكل الشغلات ولا المطاعم
فكل يوم انا اللي اسوي الاكل والحلويات والموالح
علشان كذا صارت عندي خبره لايستهان بها

يسلمو ذومي وياليت تكملين جميلك وتسوينها لنا بس بعد الاختبارات

تكرمي هبووووو
اذا خلصت الامتحانات بسويلكم بوفيه على مد البصر

ياويييييييييييييييييييلك لو ماتسوين بوفيه على مد البصر
ترا بتصير عليك غرامة 1000 ريال

<< قيمة البوفيه

وش فيك جوري مفجوعة على البوفيه
ما يأكلونك اللي هناك؟؟؟
حبيبتي نسوي لك اطلق بوفيه ولا يصير خطارك الا طيب

ههههههههههههههههههههههههه

لا ياشيخه

أنا بغيتها تسوي عشانك